domenica 3 giugno 2012

Le poesie di zio-silen: "Tampasiannu a Baddarò"



Tampasiannu a Baddarò

Lu ventu friscu scaccia li pinseri.
Scurdàti li dulura di l'ajeri
mi mettu a tampasiari a Baddarò:
ci su' cièvusi e pruna, cirasi a sanfasò,
un pezzu 'i pani e ogghiu, ddà pi' mia,
unni Caliddu fa casa e putìa.
E sutta l'occhi ri la "Cuncizioni"
'nu sfinciuneddu pi' meditazioni.

"A tastu vinnu li muluna rrussi!!
Cu ciàvuru ri bianchi passa 'a tussi!!"
abbannìa 'u Zu Cecè, 'ntusu "Tinuri".
"Racina ruci!" ci arrispunni Turi.
Nni manciu 'na fiddùna arrifriddata
e, pi' gradìri, 'nzuolia zuccarata.

Si tuorci e si lamenta la me' panza
ma làriu è diri "no": mala crianza.
'U gnuri ca zuttìa mancu lu sentu:
cileppu 'nta la vucca; friscu 'u ventu.





Versi e foto di Peppino C./zio-silen

Si ricorda che la violazione del diritto d'autore (copyright) è perseguibile legalmente.

Nessun commento: