martedì 20 ottobre 2009

POESIA DI ZIO-SILEN IN DIALETTO: 'A CHINA


Maria, chi fu? 'un canta cchiù l'upùpa!
'a notti è senza luna, fridda e cupa,

cci su' saitti e trona: un focu ranni!
'u ventu pari un lupu 'nmezzu 'i canni.

Li ucci d'acqua stannu a tuppuliari,
sunnu ancili ca vinniru a taliari.

Cueta Maria, 'un stari cchiù a trimari,
si voli 'u Celu 'a china avi a passari.

Priamu Santu Gnaziu e San Simuni
'ca tennu 'u ciumi rintra a lu vaddùni.

Su' prutittura 'i Santi e ju Li priu
ma l'anima raccumannamu a Diu.

Versi e foto di Peppino C./zio-silen

1 commento:

Anonimo ha detto...

pi essiri na puisia è tanticchia affacinnata a truvari i so versi, pi essiri un pinzeru è maravigghiusa